दलाई लामासम्बन्धी गतिविधिलाई लिएर नारायणकाजी श्रेष्ठद्वारा सरकारको आलोचना

नेकपाका नेता तथा पूर्वपरराष्ट्रमन्त्री नारायणकाजी श्रेष्ठले सरकारको पछिल्लो परराष्ट्र नीतिप्रति गम्भीर आपत्ति जनाउनुभएको छ। दलाई लामाको जन्मोत्सव मनाउन अनुमति दिएको भन्दै उहाँले यसबाट नेपालको असंलग्न परराष्ट्र नीतिमा विचलन आउन सक्ने आशंका व्यक्त गर्नुभयो। सामाजिक सञ्जालमार्फत आफ्नो धारणा सार्वजनिक गर्दै श्रेष्ठले राष्ट्रिय सार्वभौमिकता र स्वाधीनतामा आँच आए सशक्त प्रतिरोध गर्ने चेतावनी दिनुभएको छ।