नारायणगढ–बुटवल सडक विस्तार अन्तिम चरणमा पुगेसँगै नवलपुरका होटल व्यवसायी उत्साहित

नारायणगढ–बुटवल सडक विस्तार आयोजनाको काम अन्तिम चरणमा पुगेसँगै नवलपुर क्षेत्रका होटल तथा पर्यटन व्यवसायीहरूमा उत्साह पलाएको छ। सडक निर्माणका क्रममा वर्षौँदेखि बेहोर्नुपरेको धुलो, हिलो र सवारी जामका कारण यस क्षेत्रमा पर्यटक र यात्रुहरूको आगमन उल्लेख्य रूपमा घटेको थियो। सडकको अवस्था सुधारोन्मुख भएसँगै राजमार्ग लक्षित होटल व्यवसायहरू पुनः लयमा फर्किने र स्थानीय अर्थतन्त्र चलायमान हुनेमा व्यवसायीहरू आशावादी छन्।