लुम्बिनी बौद्ध विश्वविद्यालयलाई बौद्ध दर्शनमा केन्द्रित हुन शिक्षा मन्त्रीको निर्देशन

लुम्बिनी बौद्ध विश्वविद्यालयको १९औँ विश्वविद्यालय सभा बैठक शुक्रबार सिंहदरबारमा सम्पन्न भएको छ। शिक्षा, विज्ञान तथा प्रविधि मन्त्री एवं सहकुलपति सस्मित पोखरेलको अध्यक्षतामा बसेको बैठकले आर्थिक वर्ष २०८३/८४ का लागि ४९ करोड ८८ लाख रुपैयाँको बजेट र नीति तथा कार्यक्रम स्वीकृत गरेको छ। बैठकलाई सम्बोधन गर्दै मन्त्री पोखरेलले विश्वविद्यालयलाई आफ्नो मूल उद्देश्यअनुसार बौद्ध शिक्षा र दर्शनमा केन्द्रित हुन निर्देशन दिनुभयो। उहाँले विश्वविद्यालयले आफ्ना प्राज्ञिक गतिविधिहरूलाई स्थापनाको लक्ष्यसँग जोड्नुपर्नेमा जोड दिनुभयो।