विराटनगरको भेडियारीमा तनाव, शव उठाउन खोज्दा प्रहरीद्वारा २१ सेल अश्रुग्याँस प्रहार

मोरङको विराटनगर महानगरपालिका–१८ भेडियारीमा शुक्रबार १७ वर्षीय किशोरको शव उठाउने क्रममा प्रहरी र स्थानीयबीच झडप भएको छ। बिहीबार प्रहरीबाट भाग्ने क्रममा पोखरीमा डुबेर मृत्यु भएका किशोरको शव पोस्टमार्टमका लागि लैजान खोज्दा आफन्त र स्थानीयले अवरोध गरेका थिए। स्थिति नियन्त्रणमा लिन प्रहरीले २१ सेल अश्रुग्याँस प्रहार गर्नुका साथै लाठीचार्ज समेत गरेको छ। स्थानीयले प्रहरीकै कारण किशोरको मृत्यु भएको आरोप लगाएका छन्।