भक्तपुर र मुगु जिल्ला पूर्ण खोप सुनिश्चित घोषणा

भक्तपुर जिल्लाका १० हजार ७४३ बालबालिकाले खोपको पूर्ण मात्रा पाएपछि यसलाई पूर्ण खोप सुनिश्चित जिल्ला घोषणा गरिएको छ। बागमती प्रदेशका स्वास्थ्यमन्त्री किरण थापा मगरले मध्यपुरथिमिमा आयोजित एक कार्यक्रममा सो घोषणा गर्दै प्रमाणपत्र हस्तान्तरण गर्नुभयो। यसैगरी, मुगु जिल्लालाई पनि पूर्ण खोप सुनिश्चित तथा दिगोपना जिल्ला घोषणा गरिएको छ, जहाँ १५ महिनामुनिका १ हजार २१४ र ५९ महिनामुनिका ७४१ बालबालिकाले खोप प्राप्त गरेका छन्।