रोशी खोला क्षेत्रमा वर्षाका कारण बीपी राजमार्गमा सवारी आवागमन बन्द

काभ्रेपलाञ्चोकको रोशी खोला जलाधार क्षेत्रमा भइरहेको भारी वर्षाका कारण बीपी राजमार्गमा सवारी साधनको आवागमन अस्थायी रूपमा रोकिएको छ। जिल्ला प्रहरी कार्यालय, काभ्रेपलाञ्चोकले सोमबार दिउँसो एक सूचना जारी गर्दै सम्भावित जोखिमलाई मध्यनजर गरी सवारी साधन 'होल्ड' गरिएको जनाएको हो। जिल्ला प्रहरी प्रमुख रविन कार्कीका अनुसार नदीमा बहाव बढ्न सक्ने जोखिम रहेकाले अर्को सूचना नभएसम्मका लागि यातायात बन्द गरिएको छ।