बुटवलमा स्कुटर दुर्घटना हुँदा एक जनाको मृत्यु

रुपन्देहीको बुटवल उपमहानगरपालिका–९ तिनकुनेमा गएराति स्कुटर दुर्घटना हुँदा २१ वर्षीय रिवा श्रेष्ठको मृत्यु भएको छ। होराइजोन चोकबाट तिनकुनेतर्फ जाँदै गरेको लु ७८ प ७४१७ नम्बरको स्कुटर अनियन्त्रित भई सडकको बीचमा रहेको हाइमास्क लाइटको पोलमा ठोक्किएको थियो। इलाका प्रहरी कार्यालय बुटवलका अनुसार दुर्घटनामा गम्भीर घाइते भएका श्रेष्ठको उपचारका क्रममा अस्पतालमा मृत्यु भएको हो।