लुम्बिनी प्रादेशिक अस्पतालको सुधारका लागि माओवादी रुपन्देहीद्वारा २४ बुँदे मागपत्र पेस

नेपाल कम्युनिस्ट पार्टी (माओवादी) रुपन्देहीले बुटवलस्थित लुम्बिनी प्रादेशिक अस्पतालको सेवा, पूर्वाधार र व्यवस्थापनमा सुधारको माग गर्दै २४ बुँदे ध्यानाकर्षण पत्र बुझाएको छ। पार्टीका जिल्ला सचिव वीरेन्द्र सीले अस्पतालका मेडिकल सुपरिन्टेन्डेन्ट डा. विष्णु गौतमलाई सो मागपत्र हस्तान्तरण गर्नुभएको हो। संविधानले प्रत्याभूत गरेको स्वास्थ्य सम्बन्धी मौलिक अधिकारलाई ध्यानमा राख्दै अस्पतालमा सुशासन र प्रभावकारी सेवा प्रवाह सुनिश्चित गर्न माओवादीले माग गरेको छ।