एलपी ग्यासको अनुदान लक्षित वर्गमा मात्र केन्द्रित गर्न शिवप्रसाद घिमिरेको प्रस्ताव

नेपाल एलपी ग्यास उद्योग संघका पूर्वअध्यक्ष शिवप्रसाद घिमिरेले खाना पकाउने ग्यासमा सरकारले दिँदै आएको अनुदान प्रणालीलाई परिमार्जन गर्न सुझाव दिएका छन्। बुधबार संघीय संसद्को उद्योग तथा वाणिज्य, श्रम तथा उपभोक्ता हित समितिको बैठकमा बोल्दै उनले सबै उपभोक्तालाई अनुदान दिनु व्यावहारिक नभएको बताए। उनले सक्षम उपभोक्तालाई बजार मूल्यमै ग्यास बिक्री गरी विपन्न वर्गलाई मात्र क्यासब्याक मार्फत अनुदान दिनुपर्ने प्रस्ताव अघि सारेका छन्।