नारायणी नदीमा एक वर्षभित्र साढे छ किलोमिटर तटबन्ध निर्माण

सिँचाइ तथा जलस्रोत व्यवस्थापन आयोजना कार्यालयले चालु आर्थिक वर्षमा नारायणी नदीमा साढे छ किलोमिटर तटबन्ध निर्माण सम्पन्न गरेको छ। सूचना अधिकारी इन्जिनियर सागर पौडेलका अनुसार नवलपरासी (बर्दघाट–सुस्तापूर्व) का उच्च जोखिममा रहेका बस्तीहरूलाई नदी कटानबाट जोगाउन यो निर्माण गरिएको हो। यस वर्ष नवलपरासी क्षेत्रमा मात्रै ५.५ किलोमिटर तटबन्ध निर्माण गरिएको कार्यालयले जनाएको छ।