स्थानीय बाली उत्पादन र प्राङ्गारिक खेतीका लागि पाँच करोड अनुदान

बाली विकास तथा कृषि जैविक विविधता संरक्षण केन्द्रले ७० स्थानीय तहका किसानलाई पाँच करोड रुपैयाँ बराबरको अनुदान सहयोग उपलब्ध गराएको छ। आयातित बीउ र रासायनिक मलको बढ्दो प्रयोगका कारण जोखिममा परेका लोपोन्मुख स्थानीय बालीको संरक्षण र उत्पादन बढाउने उद्देश्यले यो सहयोग दिइएको हो। कृषि, वन तथा पर्यावरण मन्त्रालय मातहतको केन्द्रले प्राङ्गारिक खेती प्रवर्द्धन गर्न यो कार्यक्रम अघि सारेको छ।