सोनम वाङचुकको स्वास्थ्य दैनिक जाँच गर्न दिल्ली उच्च अदालतको आदेश

दिल्ली उच्च अदालतले जलवायु अभियन्ता सोनम वाङचुकको स्वास्थ्य अवस्थालाई ध्यानमा राख्दै हरेक दिन चिकित्सकबाट जाँच गराउन केन्द्र सरकारलाई निर्देशन दिएको छ। मुख्य न्यायाधीश देवेन्द्रकुमार उपाध्याय र जस्टिस तेजस करियाको इजलासले तीन हप्तादेखि अनशनरत वाङचुकको बिग्रँदो स्वास्थ्यप्रति चासो देखाउँदै यो आदेश जारी गरेको हो। अदालतले वाङचुकलाई आवश्यक परेको खण्डमा तत्काल उचित उपचारको व्यवस्था मिलाउन समेत सरकारलाई भनेको छ।