धादिङको बेनीघाट रोराङमा सुख्खा पहिरो खसेपछि पृथ्वी राजमार्ग पूर्ण रूपमा अवरुद्ध

धादिङको बेनीघाट रोराङ गाउँपालिका–१० स्थित जवाङ खोला नजिकै तिग्राङ खानी क्षेत्रमा सुक्खा पहिरो खस्दा पृथ्वी राजमार्ग पूर्ण रूपमा अवरुद्ध भएको छ। जिल्ला प्रशासन कार्यालय धादिङले बिहीबार साँझ सूचना जारी गर्दै यात्रुको सुरक्षाका लागि अर्को आदेश नभएसम्मका लागि सवारी आवागमनमा रोक लगाएको छ। माथिबाट निरन्तर पहिरो खसिरहेकाले राजमार्गको दुवैतर्फको यातायात ठप्प भएको हो। सडक खुलाउने प्रयास र सुरक्षा व्यवस्थाका लागि स्थानीय प्रशासनले समन्वय गरिरहेको छ।

धादिङको बेनीघाट रोराङ गाउँपालिका–१० स्थित जवाङ खोला नजिकै तिग्राङ खानीमा सुख्खा पहिरो खसेपछि पृथ्वी राजमार्ग पूर्ण रूपमा अवरुद्ध भएको छ। पहिरो खस्ने क्रम जारी रहेकाले जिल्ला प्रशासन कार्यालय धादिङले बिहीबार साँझ एक सूचना जारी गर्दै अर्को आदेश नभएसम्मका लागि सबै प्रकारका सवारी साधनको आवागमनमा रोक लगाएको छ। प्रमुख जिल्ला अधिकारी लक्ष्मी पाण्डेय गौतमका अनुसार यात्रुहरूको सुरक्षालाई मध्यनजर गर्दै सडक बन्द गरिएको हो। नेपाल प्रहरीका अनुसार वर्षा र पहिरोका कारण पृथ्वी राजमार्गसहित देशका विभिन्न सात महत्वपूर्ण सडक खण्डहरूमा यातायात ठप्प भएको छ।