इजरायलमा केयरगिभरका लागि १ हजार ११५ नेपाली श्रमिक छनोट

इजरायलको जेरुसेलमस्थित जनसंख्या तथा अध्यागमन प्राधिकरणले लटरी प्रक्रियामार्फत केयरगिभर क्षेत्रका लागि १ हजार ११५ नेपाली सहायक कामदार छनोट गरेको छ। पारदर्शिता सुनिश्चित गर्न नेपाल र इजरायलका अधिकारीहरूको उपस्थितिमा छनोट प्रक्रियाको प्रत्यक्ष प्रसारण गरिएको थियो। वैदेशिक रोजगार विभागले अब छनोट भएका श्रमिकहरूलाई इजरायल पठाउने प्रक्रिया अगाडि बढाउनेछ। इजरायलले निकट भविष्यमा थप २,१०० भन्दा बढी रोजगारीका अवसरहरू खुला गर्न सक्ने बताइएको छ।