ढोरपाटनको बुकीपाटनमा प्लास्टिकजन्य फोहर व्यवस्थापनको चुनौती

नेपालको एक मात्र सिकार आरक्ष ढोरपाटनस्थित बुकीपाटनमा पर्यटकको चहलपहल बढेसँगै नकुहिने फोहर व्यवस्थापनमा चुनौती थपिएको छ। पर्यटकले जथाभावी फालेका प्लास्टिकका बोतल, चाउचाउका खोल र बियरका बोतलका कारण स्थानीय पर्यावरण र वस्तुभाउको स्वास्थ्यमा समेत असर पर्न थालेको छ। बागलुङ जिल्लामा पर्ने यस क्षेत्रको स्वच्छता कायम राख्न फोहर व्यवस्थापन टाउको दुखाइको विषय बनेको छ।