साउने सङ्क्रान्तिको अवसरमा भीष्मराज आङ्देम्बेद्वारा अधिनायकवादी सोच त्याग्न आग्रह

नेपाली कांग्रेस संसदीय दलका नेता भीष्मराज आङ्देम्बेले नेपाली राजनीतिमा निरङ्कुश र अधिनायकवादी प्रवृत्ति बढ्दै गएकोमा चिन्ता व्यक्त गरेका छन्। साउने सङ्क्रान्ति तथा लिम्बू समुदायको सिसेःक्पा तङ्नामको अवसरमा शुभकामना सन्देश जारी गर्दै उनले लोकतन्त्रविरोधी सोच, भ्रष्टाचार र अन्यायलाई सदाका लागि बिदा गर्नुपर्ने बताएका छन्। उनले समाजका विकृति र निमुखा जनताको आवाज दबाउने चरित्रलाई फाल्न सबै लोकतन्त्रप्रेमीहरू सचेत हुनुपर्नेमा जोड दिएका छन्।