बर्ड फ्लुको जोखिम घटेपछि जावलाखेलस्थित सदर चिडियाखाना पुन: सञ्चालनमा

ललितपुरको जावलाखेलस्थित सदर चिडियाखाना शुक्रबारदेखि सर्वसाधारणका लागि पुनः खुला गरिएको छ। काग, गिद्ध र हाँस लगायतका चराहरूमा बर्ड फ्लु पुष्टि भएपछि गत असार ५ गतेदेखि चिडियाखाना बन्द गरिएको थियो। पशु सेवा विभागले संकलन गरेको वातावरणीय नमुनाको रिपोर्ट नेगेटिभ आएपछि चिडियाखाना प्रशासनले यसलाई पुन: सञ्चालनमा ल्याउने निर्णय गरेको हो।