दरबार हत्याकाण्ड दीपेन्द्रले गरेका होइनन्: केपी शर्मा ओली

नेकपा (एमाले) का अध्यक्ष केपी शर्मा ओलीले २०५८ सालको नारायणहिटी दरबार हत्याकाण्ड तत्कालीन युवराज दीपेन्द्र शाहले नगरेको दाबी गर्नुभएको छ। ललितपुरको च्यासलमा आयोजित एक कार्यक्रममा बोल्दै उहाँले हालसम्मको आधिकारिक विवरणलाई 'रेडिमेड कथा' को संज्ञा दिनुभयो। ओलीले राजा वीरेन्द्र शाहको वंशनाश हुने गरी भएको उक्त घटनाबारे विश्वका प्रमुख सञ्चारमाध्यमले स्वतन्त्र अनुसन्धान नगरी एउटै कुरा प्रचार गरेको भन्दै असन्तुष्टि व्यक्त गर्नुभयो।