२६औँ कमैया मुक्ति दिवस: मुक्त कमैयाको पूर्ण पुनर्स्थापनाका लागि डिल्ली चौधरीको आग्रह

लुम्बिनी प्रदेशका पूर्वमुख्यमन्त्री डिल्लीबहादुर चौधरीले ३६ हजार मुक्त कमैया परिवारको पूर्ण पुनर्स्थापना र उचित व्यवस्थापन अझै हुन नसकेकोमा चिन्ता व्यक्त गर्नुभएको छ। २६औँ कमैया मुक्ति दिवसका अवसरमा शुभकामना सन्देश जारी गर्दै उनीहरूलाई फेरि दासताको चक्रमा फर्किन नपर्ने गरी राज्यले गम्भीरता देखाउनुपर्नेमा उहाँले जोड दिनुभयो। कमैया मुक्ति आन्दोलनका अगुवा समेत रहनुभएका चौधरीले मुक्त घोषणा भएको २६ वर्ष बितिसक्दा पनि उनीहरूको अवस्थामा अपेक्षित सुधार नआएको उल्लेख गर्नुभयो।