सङ्खुवासभामा खुकुरी प्रहार गरी श्रीमतीको हत्या गरेको आरोपमा श्रीमान् पक्राउ

सङ्खुवासभाको मादी नगरपालिका-४ डाँडागाउँमा ४३ वर्षीया श्रीमती फूलमाया मुदेलको हत्या गरेको आरोपमा ५६ वर्षीय अमरबहादुर सार्की पक्राउ परेका छन्। शनिबार बिहान घरायसी विवादका क्रममा सार्कीले खुकुरी प्रहार गरी श्रीमतीको हत्या गरेको प्रहरीले जनाएको छ। जिल्ला प्रहरी कार्यालयका प्रहरी नायव उपरीक्षक कुमार प्रसाद मैनालीका अनुसार घटनास्थलबाटै आरोपितलाई खुकुरीसहित नियन्त्रणमा लिइएको हो। प्रहरीले यस घटनाबारे थप कानुनी अनुसन्धान अगाडि बढाएको छ।