नेपाली कांग्रेसमा युवा प्रतिनिधित्व सुनिश्चित गरिने महामन्त्री गगन थापाको घोषणा

नेपाली कांग्रेसका महामन्त्री गगनकुमार थापाले पार्टीको प्रत्येक वडा तहमा ३० वर्षमुनिका युवाहरूको अनिवार्य सहभागिता सुनिश्चित गरिएको बताउनुभएको छ। ४४औँ बीपी स्मृति दिवसको अवसरमा ललितपुरमा आयोजित कार्यक्रममा बोल्दै उहाँले प्रत्येक निर्वाचन क्षेत्रबाट ३५ वर्षमुनिका कम्तीमा तीन जना महाधिवेशन प्रतिनिधि रहने व्यवस्था गरिएको जानकारी दिनुभयो। थापाले नयाँ पुस्ताको अर्थपूर्ण सहभागितामा जोड दिँदै कांग्रेसले सबै पुस्ता र भूगोललाई जोड्ने सुदृढ राष्ट्रिय शक्तिका रूपमा काम गर्नुपर्ने बताउनुभयो।