बालसुधार गृहको अवस्था सुधार गर्न संसदीय समितिको सरकारलाई चार बुँदे निर्देशन

प्रतिनिधिसभा अन्तर्गतको कानुन, न्याय तथा मानव अधिकार समितिले देशभरका बालसुधार गृहहरूको अवस्था सुधार गर्न सरकारलाई चार बुँदे निर्देशन दिएको छ। आइतबार सिंहदरबारमा बसेको समितिको बैठकले बालसुधार गृहको भौतिक पूर्वाधार, क्षमता अभिवृद्धि र बालबालिकाको पोषण व्यवस्थापनमा तत्काल सुधार गर्न निर्देशन दिएको हो। अनुगमन उपसमितिको प्रतिवेदनमाथि छलफल गर्दै समितिले क्षमताभन्दा बढी चाप रहेका सुधार गृहको समस्या समाधान गर्न र कानुनी सुधारका प्रक्रिया अघि बढाउन समेत आग्रह गरेको छ।