सिन्धुलीमा विश्वम्भर लामिछानेले स्थापना गरेको जराबुट्टा कला सङ्ग्रहालय आकर्षणको केन्द्र

सिन्धुलीको कमलामाई नगरपालिका–४ मा कानुन व्यवसायी तथा कलाकार विश्वम्भर लामिछानेले स्थापना गरेको जराबुट्टा कला सङ्ग्रहालय आन्तरिक पर्यटकका लागि आकर्षणको केन्द्र बनेको छ। लामिछानेले आफ्नै निवासमा खोला र बगरमा खेर जाने रुखका जराहरूलाई कलात्मक रूप दिएर यो सङ्ग्रहालय सजाउनुभएको हो। खेर गएका वस्तुबाट निर्मित यी कलाकृतिहरू हेर्न आउने पर्यटकहरूको सङ्ख्या दिनप्रतिदिन बढ्दै गएको छ। यस निजी प्रयासले सिन्धुलीमा कला र संस्कृतिको प्रवर्द्धनमा टेवा पुर्‍याएको छ।