नवलपरासी पश्चिमको बर्दघाटमा अटो दुर्घटना हुँदा ६ जना घाइते

नवलपरासी (पश्चिम) को बर्दघाट नगरपालिका-४ स्थित पूर्व-पश्चिम राजमार्गमा मंगलबार बिहान अटो दुर्घटना हुँदा चालकसहित ६ जना घाइते भएका छन्। पूर्वबाट पश्चिमतर्फ जाँदै गरेको लु १ ह ३७४० नम्बरको अटोले बाटो काट्दै गरेका एक बालकलाई जोगाउन खोज्दा उक्त दुर्घटना भएको हो। घाइतेहरूको स्थानीय अस्पतालमा उपचार भइरहेको छ। प्रहरीले घटनाबारे थप अनुसन्धान अगाडि बढाएको छ।