फिदिममा आयोजित 'ग्रिन रन' प्रतियोगितामा अमिर र पुष्पा प्रथम

जलवायु परिवर्तनले निम्त्याउने जोखिमबारे सचेतना फैलाउने उद्देश्यले पाँचथरको फिदिममा आठ किलोमिटर दूरीको 'ग्रिन रन' प्रतियोगिता आयोजना गरिएको छ। बीपी स्मृति दिवसको अवसरमा आयोजित उक्त दौडमा पुरुषतर्फ ताप्लेजुङका अमिर लिम्बू र महिलातर्फ पाँचथरकी पुष्पा शेर्मा प्रथम भएका छन्। नेपाली कांग्रेसको सहयोगमा सम्पन्न यस कार्यक्रममा स्थानीय खेलाडीहरूको उल्लेख्य सहभागिता रहेको थियो।