मुलुकको निकासका लागि वीपीको मेलमिलाप नीति आवश्यक रहेको डा. शेखर कोइरालाको भनाइ

नेपाली कांग्रेसका नेता डा. शेखर कोइरालाले मुलुकलाई निकास दिन वीपी कोइरालाको राष्ट्रिय मेलमिलाप र एकताको नीतिलाई आत्मसात् गर्नुपर्नेमा जोड दिएका छन्। वीपीको ४४औँ स्मृति दिवसका अवसरमा काठमाडौँमा आयोजित कार्यक्रममा बोल्दै उनले पहिले पार्टीभित्र र त्यसपछि राष्ट्रिय हितका लागि सबै राजनीतिक शक्तिबीच एकता आवश्यक रहेको बताए। उनले वर्तमान समयमा वीपीको राष्ट्रप्रेम, त्याग र साहसको सान्दर्भिकता अझ बढेको उल्लेख गरे।