गगन थापा बाह्य शक्तिबाट परिचालित भएको केदार कार्कीको आरोप

नेपाली कांग्रेसका नेता तथा कोशी प्रदेशका पूर्वमुख्यमन्त्री केदार कार्कीले महामन्त्री गगन थापामाथि गम्भीर आरोप लगाएका छन्। ४४ औं बीपी स्मृति दिवसको अवसरमा काठमाडौंमा आयोजित कार्यक्रममा बोल्दै कार्कीले थापा बाह्य शक्तिबाट परिचालित भएको र आर्थिक अनियमिततामा संलग्न रहेको दाबी गरे। कार्कीले तत्कालीन सभापति गिरिजाप्रसाद कोइरालाले विगतमा थापाका बारेमा व्यक्त गरेको आशंका अहिले प्रमाणित हुँदै गएको समेत बताए।