चिकित्सा शिक्षा आयोगको निर्देशक पदका लागि १२ जनाको सर्टलिस्ट सार्वजनिक

चिकित्सा शिक्षा आयोगले आफ्ना विभिन्न निर्देशनालय र नेसनल बोर्ड अफ मेडिकल स्पेसियालिटिजका निर्देशक पदका लागि १२ जना उम्मेदवारको संक्षिप्त सूची (सर्टलिस्ट) सार्वजनिक गरेको छ। आयोगले मापदण्ड तथा प्रत्यायन, योजना तथा समन्वय, र परीक्षा निर्देशनालयका लागि खुला प्रतिस्पर्धामार्फत नियुक्ति प्रक्रिया अघि बढाएको हो। सर्टलिस्टमा परेका उम्मेदवारहरूको प्रस्तुतीकरण र अन्तर्वार्ता साउन ८ गतेदेखि सुरु हुने कार्यतालिका रहेको छ। छनोट सूचीमा प्रा.डा. दिलिप शर्मा, प्रा.डा. सन्ध्या चापागाईँ आचार्य लगायतका चिकित्सकहरू समावेश छन्।