नेपाली राजनीतिमा तर्क र विवेकको कमी भएको भीष्मराज आङ्देम्बेको टिप्पणी

नेपाली कांग्रेसका नेता भीष्मराज आङ्देम्बेले बिहीबार काठमाडौंमा आयोजित एक कार्यक्रममा मुलुकको राजनीतिमा तर्क र विवेक हराउँदै गएकोमा चिन्ता व्यक्त गरेका छन्। पार्टीको केन्द्रीय नीति, अनुसन्धान तथा प्रशिक्षण प्रतिष्ठानद्वारा आयोजित कार्यक्रममा बोल्दै उनले संस्थापनइतर समूहका नेताहरूको अभिव्यक्तिमा विवेकको कमी महसुस भएको टिप्पणी गरे। नेता आङ्देम्बेले संसद् र सडकको राजनीति गालीगलौज र अहंकारमा परिणत भएको भन्दै राजनीतिक संस्कार सुधारमा जोड दिए।