विद्युत् नियमन आयोगका नवनियुक्त पदाधिकारीद्वारा पद तथा गोपनीयताको शपथ

ऊर्जा, जलस्रोत तथा सिँचाइमन्त्री विराजभक्त श्रेष्ठले बिहीबार विद्युत् नियमन आयोगका नवनियुक्त पदाधिकारीहरूलाई पद तथा गोपनीयताको शपथ गराउनुभएको छ। मन्त्रालयमा आयोजित कार्यक्रममा आयोगका अध्यक्ष डा. रामप्रसाद धितालसहित सदस्यहरू बलराम सिलवाल, लोकराज पाठक र जयराज भण्डारीले शपथ लिनुभएको हो। ऊर्जामन्त्री श्रेष्ठले अनुभवी टोलीको आगमनसँगै ऊर्जा क्षेत्रको नीतिगत र संरचनागत सुधार हुने विश्वास व्यक्त गर्नुभयो।