५ हजार अमेरिकी डलरसम्मको विदेशी मुद्रा भन्सार घोषणा नगरी ल्याउन पाइने

नेपाल राष्ट्र बैंकले विदेशी मुद्रा ओसारपसार सम्बन्धी नयाँ व्यवस्था सार्वजनिक गरेको छ। नयाँ नियम अनुसार अब ५ हजार अमेरिकी डलर वा सो बराबरको विदेशी मुद्रा र २५ हजार भारतीय रुपैयाँसम्म नगद बोक्दा भन्सार घोषणा गर्नु पर्ने छैन। सो सीमाभन्दा बढी रकम ल्याउँदा वा लैजाँदा विदेशी विनिमय ऐन र सम्पत्ति शुद्धीकरण निवारण ऐन बमोजिम भन्सारमा अनिवार्य घोषणा गर्नुपर्ने व्यवस्था गरिएको छ।

नेपाल राष्ट्र बैंकले नेपाली तथा विदेशी नागरिकले ५ हजार अमेरिकी डलर वा सो बराबरको विदेशी मुद्रा भन्सार घोषणा नगरी नेपाल ल्याउन पाउने व्यवस्था स्पष्ट गरेको छ। राष्ट्र बैंकको विदेशी विनिमय व्यवस्थापन विभागका अनुसार ५ हजार डलरभन्दा बढी रकम ल्याउँदा भने अनिवार्य रूपमा भन्सार घोषणा गर्नुपर्नेछ। यो व्यवस्था भारतीय रुपैयाँको हकमा पनि लागू हुने सूचनामा उल्लेख छ। बैंकले विदेशी विनिमय (नियमित गर्ने) ऐन र सम्पत्ति शुद्धीकरण निवारण ऐनका प्रावधानहरूलाई उद्धृत गर्दै यो जानकारी गराएको हो।