गुडिरहेको मोटरसाइकलमा स्टन्ट गरेको भिडियो भाइरल भएपछि सांसद बब्लु गुप्ताद्वारा माफी

गुडिरहेको मोटरसाइकलमा उभिएर स्टन्ट गरिरहेको राष्ट्रिय स्वतन्त्र पार्टी (रास्वपा) का सांसद बब्लु गुप्ताको भिडियो सामाजिक सञ्जालमा भाइरल भएको छ। सिरहा निर्वाचन क्षेत्र नम्बर १ का सांसद गुप्ताले ट्राफिक नियमको उल्लंघन गर्दै असुरक्षित रूपमा यात्रा गरेको भन्दै सर्वसाधारणले उनको कडा आलोचना गरेका छन्। सामाजिक सञ्जाल प्रयोगकर्ताहरूले नेपाल प्रहरी र ट्राफिक प्रहरीलाई मेन्सन गर्दै उनीमाथि तत्काल कानुनी कारबाही गर्न माग गरेका छन्। सरकारले ट्राफिक नियम पालनामा कडाइ गरिरहेका बेला जनप्रतिनिधिबाटै यस्तो गैरजिम्मेवार कार्य भएको भन्दै विरोध भइरहेको छ।

गुडिरहेको मोटरसाइकलमा उभिएर 'स्टन्ट' गरेको भिडियो सामाजिक सञ्जालमा भाइरल भएपछि राष्ट्रिय स्वतन्त्र पार्टी (रास्वपा) का सांसद बब्लु गुप्ताले माफी मागेका छन्। सिरहा निर्वाचन क्षेत्र नं. १ बाट निर्वाचित सांसद गुप्ताले हेल्मेट नलगाई गुडिरहेको मोटरसाइकलमा उभिएर मोबाइल चलाएको भिडियो सार्वजनिक भएपछि उनको तीव्र आलोचना भएको थियो। ट्राफिक नियम उल्लंघन गरेको स्वीकार गर्दै उनले आफ्नो गल्ती महसुस गरेको र अब यस्तो जोश देश र जनताको हितमा लगाउने बताएका छन्।