रौतहटमा खुकुरी प्रहार गरी महिलाको हत्या, स्थानीयको कुटाइबाट आरोपित गम्भीर घाइते

रौतहटको गुजरा नगरपालिका–५ हरिहरपुर टोलमा शुक्रबार बिहान खुकुरी प्रहार गरी एक महिलाको हत्या भएको छ। जिल्ला प्रहरी कार्यालय रौतहटका प्रवक्ता डीएसपी वसन्त गौतमका अनुसार बिहान करिब १०:३० बजे स्थानीय चन्देश्वर साह कलवारकी श्रीमतीको हत्या भएको हो। घटनापछि आक्रोशित स्थानीयवासीको कुटाइबाट आक्रमणकारी गम्भीर घाइते भएका छन्। प्रहरीले घटनाको अनुसन्धान सुरु गरेको छ।

रौतहटको गुजरा नगरपालिका–५ हरिहरपुरमा शुक्रबार बिहान ४५ वर्षीया रेनुदेवी जयसवालको खुकुरी प्रहार गरी हत्या भएको छ। बाराको करैयामाई गाउँपालिका घर भई सोही स्थानमा बस्दै आएका ३५ वर्षीय उपेन्द्र साह कलवारले महिलाको घाँटीमा प्रहार गरेको प्रहरीले जनाएको छ। घटनापछि आक्रोशित स्थानीयको कुटपिटबाट आरोपित कलवार गम्भीर घाइते भएका छन्। जिल्ला प्रहरी कार्यालय रौतहटका प्रवक्ता डीएसपी बसन्त गौतमका अनुसार घटनाबारे थप अनुसन्धान भइरहेको छ।