डलर साटिदिने प्रलोभन देखाएर ७८ लाख ठगी गर्ने चार जना पक्राउ

अमेरिकी डलर साटिदिने बहानामा लुटपाट गरेको आरोपमा प्रहरीले काठमाडौँको कपनबाट चार जनालाई पक्राउ गरेको छ। प्रहरी वृत्त बौद्धबाट खटिएको टोलीले शनिबार उनीहरूलाई नियन्त्रणमा लिएको हो। पक्राउ पर्नेहरूमा सिन्धुपाल्चोकको बाह्रबिसे नगरपालिका–३ घर भई काठमाडौँ बस्ने व्यक्तिहरू रहेका छन्। यस घटनाबारे प्रहरीले थप अनुसन्धान अगाडि बढाएको छ।

अमेरिकी डलर सस्तोमा साटिदिने प्रलोभन देखाएर करिब ७८ लाख रुपैयाँ ठगी गरेको आरोपमा प्रहरीले चार जनालाई काठमाडौंको कपनबाट पक्राउ गरेको छ। प्रहरी वृत्त बौद्धको टोलीले बूढानीलकण्ठ नगरपालिका–११ प्रगति टोलबाट सिन्धुपाल्चोकका धनबहादुर तामाङ, लोकबहादुर तामाङ, राजकुमार लामा र अर्का एक व्यक्तिलाई नियन्त्रणमा लिएको हो। जिल्ला प्रहरी परिसर काठमाडौंका प्रवक्ता पवन कुमार भट्टराईका अनुसार यो समूहले डलरको सट्टा कागजको बिटो दिएर सर्वसाधारणलाई लुट्ने गरेको थियो। पक्राउ परेकामध्ये एक जना यसअघि पनि डलर ठगीका ६ वटा मुद्दामा संलग्न रहेको र अर्का एक जना बैंकिङ कसुरमा फरार रहेको खुलेको छ।