त्रिभुवन विश्वविद्यालयको एमबीएस प्रश्नपत्र लिक प्रकरणमा तीन जना पक्राउ

त्रिभुवन विश्वविद्यालयको व्यवस्थापन संकाय अन्तर्गत एमबीएस प्रथम सेमेस्टरको प्रश्नपत्र बाहिरिएको घटनामा संलग्न रहेको आरोपमा ३३ वर्षीय सन्दीप सिंह पक्राउ परेका छन्। कैलालीको घोडाघोडी नगरपालिका घर भई हाल भक्तपुर बस्ने सिंहलाई नेपाल प्रहरीको केन्द्रीय अनुसन्धान ब्युरो (सीआईबी) ले नियन्त्रणमा लिएको हो। उनलाई शिक्षा ऐन २०२८ अन्तर्गतको कसुरमा कारबाही प्रक्रिया अगाडि बढाइएको प्रहरीले जनाएको छ। साउन ८ गते भएको परीक्षाको प्रश्नपत्र लिक भएको विषयमा अनुसन्धान गर्दा उनको संलग्नता खुलेको हो।

त्रिभुवन विश्वविद्यालयको व्यवस्थापन संकाय अन्तर्गत एमबीएस प्रथम सेमेस्टरको प्रश्नपत्र बाहिरिएको घटनामा नेपाल प्रहरीको केन्द्रीय अनुसन्धान ब्युरो (सीआईबी) ले तीन जनालाई पक्राउ गरेको छ। साउन ८ गते भएको 'अर्गनाइजेसनल बिहेभियर' विषयको प्रश्नपत्र लिक गरेको आरोपमा मुख्य अभियुक्त सन्दीप सिंहसहित अतुल कुमार मिश्र र अब्दुल सानी हाकिम पक्राउ परेका हुन्। उनीहरूमाथि शिक्षा ऐन २०२८ अन्तर्गत प्रश्नपत्रको गोपनीयता भंग गरेको कसुरमा अनुसन्धान भइरहेको प्रहरीले जनाएको छ।