माइतीघर डुबानको मुख्य कारण प्राविधिक त्रुटि र अतिक्रमण भएको निष्कर्ष

माइतीघर मण्डला क्षेत्रमा बर्खायाममा हुने डुबानको मुख्य कारण पूर्वाधार निर्माणमा प्राविधिक त्रुटि, जल प्रवाह क्षेत्रमा अतिक्रमण र प्राकृतिक जलशोषक क्षेत्रको विनाश रहेको प्रतिवेदनले देखाएको छ। काठमाडौँ महानगरपालिकाकी कार्यवाहक प्रमुख सुनिता डंगोलको नेतृत्वमा साउन ५ गते गरिएको स्थलगत निरीक्षणपछि यो प्रतिवेदन तयार पारिएको हो। प्रतिवेदनले सो क्षेत्रमा हुने डुबान समस्या समाधानका लागि विकास साझेदार र सेवा व्यवस्थापन निकायहरूबीच समन्वय हुनुपर्नेमा जोड दिएको छ।

माइतीघर मण्डला क्षेत्रमा हुने डुबानको मुख्य कारण पूर्वाधार निर्माणमा प्राविधिक त्रुटि, जल प्रवाह क्षेत्रको अतिक्रमण र प्राकृतिक जलशोषक क्षेत्रको विनाश रहेको एक अध्ययनले देखाएको छ। वर्षासँगै सो क्षेत्र जलमग्न हुन थालेपछि काठमाडौँ महानगरपालिकाकी कार्यवाहक प्रमुख सुनिता डङ्गोलको नेतृत्वमा सरोकारवाला निकायहरूले स्थलगत निरीक्षण गरेका थिए। प्रतिवेदनले ढल निकासको उचित व्यवस्थापन नहुनु र अव्यवस्थित सहरीकरणलाई पनि समस्याको रूपमा औंल्याएको छ।