नेपाल टेलिकमका सबै टावरमा विद्युत् सेवा पुर्‍याउन सञ्चारमन्त्रीको निर्देशन

सूचना तथा सञ्चारमन्त्री डा. विक्रम तिमिल्सिनाले नेपाल टेलिकमका सबै टावरहरूमा भरपर्दो विद्युत् प्रणाली जडान गर्न निर्देशन दिनुभएको छ। काठमाडौँमा आयोजित एक कार्यक्रममा बोल्दै उहाँले नागरिकलाई गुणस्तरीय दूरसञ्चार सेवा उपलब्ध गराउनु सरकारको दायित्व भएको बताउनुभयो। मन्त्री तिमिल्सिनाले समस्या पहिचानमा मात्र सीमित नभई नतिजामुखी ढङ्गले काम अगाडि बढाउन सम्बन्धित निकायलाई आग्रह गर्नुभयो।