तराई-मधेशको सुरक्षाका लागि १५ उच्च प्रहरी अधिकृत परिचालन

नेपाल प्रहरी प्रधान कार्यालयले तराई-मधेशका विभिन्न जिल्लाहरूमा एआईजीदेखि एसएसपी तहसम्मका १५ जना उच्च प्रहरी अधिकृतहरूलाई परिचालन गरेको छ। केन्द्रीय प्रहरी प्रवक्ता डीआईजी अबि नारायण काफ्लेका अनुसार पछिल्लो समय विकसित सुरक्षा अवस्था र संवेदनशीलतालाई मध्यनजर गर्दै यो कदम चालिएको हो। खटिएका अधिकृतहरूले सुरक्षा योजनाको कार्यान्वयन, सूचना संकलन र प्रहरी जनशक्तिको प्रभावकारी परिचालनको अनुगमन गर्नेछन्। सशस्त्र प्रहरी बलले पनि सुरक्षा व्यवस्थापन सुदृढ बनाउन आफ्ना उच्च अधिकारीहरूलाई त्यस क्षेत्रमा खटाएको छ।