धार्मिक सद्भाव कायम राख्न गृहमन्त्री सुधन गुरुङद्वारा विभिन्न धर्मका अगुवाहरूसँग छलफल

गृहमन्त्री सुधन गुरुङले मुलुकका विभिन्न स्थानमा देखिएको अशान्तिलाई शान्ति र सद्भावमा बदल्न मंगलबार गृह मन्त्रालयमा हिन्दु र मुस्लिम समुदायका अगुवाहरूसँग छुट्टाछुट्टै छलफल गर्नुभएको छ। छलफलमा धार्मिक क्षेत्रका प्रतिनिधिहरूको धारणा सुन्ने र सामाजिक सद्भाव कायम राख्ने विषयमा कुराकानी भएको थियो। समय अभावका कारण सबै सहभागीको धारणा सुन्न नसकिएकाले अर्को साता पुनः बैठक बस्ने गरी मंगलबारको छलफल टुङ्गिएको छ।