विश्वकप लिग-२: स्कटल्यान्डद्वारा यूएईमाथि एक विकेटको रोमाञ्चक जित

स्कटल्यान्डको डन्डीस्थित फोर्थिल मैदानमा भएको आईसीसी पुरुष क्रिकेट विश्वकप लिग-२ अन्तर्गतको खेलमा घरेलु टोली स्कटल्यान्डले संयुक्त अरब इमिरेट्स (यूएई) लाई एक विकेटले पराजित गरेको छ। २३१ रनको लक्ष्य पछ्याएको स्कटल्यान्डले ३९.५ ओभरमा ९ विकेट गुमाउँदै २३५ रन बनाएर जित हासिल गर्‍यो। खेलको अन्तिमभन्दा एक बल अगाडि ज्यास्पर डेभिडसनले चौका प्रहार गर्दै टोलीलाई रोमाञ्चक जित दिलाएका हुन्। यो जितसँगै स्कटल्यान्डले त्रिकोणात्मक शृंखलामा महत्त्वपूर्ण अंक जोडेको छ।