पाल्पाको तिनाउमा जिप दुर्घटना हुँदा १० जना घाइते

पाल्पाको तिनाउ गाउँपालिका-४, चिउरीडाँडामा सोमबार बिहान एउटा पिकअप जिप दुर्घटना हुँदा १० जना घाइते भएका छन्। झुम्सा-सत्यावती सडक खण्डमा बुटवलतर्फ जाँदै गरेको जिप दुर्घटनामा परेको हो। घाइते हुनेहरूमा पाल्पा, स्याङ्जा र रूपन्देहीका यात्रुहरू रहेका छन्, जसमध्ये एक बालकको अवस्था गम्भीर रहेको बताइएको छ। दुर्घटनामा जिप चालक देवकुमार घर्ती पनि घाइते भएका छन्।