अत्यधिक गर्मीका कारण वीरगञ्जका विद्यालयमा बिहान मात्रै कक्षा सञ्चालन हुने

अत्यधिक गर्मी बढेपछि वीरगञ्ज महानगरपालिकाले आफ्ना क्षेत्रभित्रका सामुदायिक तथा संस्थागत विद्यालयहरूमा दुई दिन बिहान मात्रै कक्षा सञ्चालन गर्न निर्देशन दिएको छ। महानगरपालिकाको शिक्षा महाशाखाले विद्यार्थीहरूको स्वास्थ्यलाई ध्यानमा राख्दै साउन २८ र २९ गते बिहानी सत्रमा मात्र पठनपाठन गराउन सूचना जारी गरेको हो। पछिल्लो समय बढेको तापक्रमका कारण बालबालिकामा पर्न सक्ने असरलाई कम गर्न यो कदम चालिएको हो।