बागमती एमाले संसदीय दलका नेता जगन्नाथ थपलियाविरुद्ध अविश्वासको प्रस्ताव दर्ता

नेकपा एमाले बागमती प्रदेश संसदीय दलका नेता जगन्नाथ थपलियाविरुद्ध बुधबार संसदीय दलको कार्यालयमा अविश्वासको प्रस्ताव दर्ता गरिएको छ। कृष्ण सिलवाल र ज्ञानबहादुर तामाङ लगायतका सांसदहरूले थपलियालाई हटाउन सो प्रस्ताव दर्ता गराएका हुन्। अध्यक्ष केपी शर्मा ओलीको निवासमा बेहोस भएपछि वीर अस्पतालमा उपचार गराएर डिस्चार्ज भएकै दिन उनीविरुद्ध यो कदम चालिएको हो।

बागमती प्रदेशका नेकपा एमाले संसदीय दलका नेता जगन्नाथ थपलियाविरुद्ध बुधबार अविश्वासको प्रस्ताव दर्ता गरिएको छ। हेटौँडास्थित संसदीय दलको कार्यालयमा १६ जना सांसदको हस्ताक्षरसहित दर्ता गरिएको उक्त प्रस्तावमा थपलियाको सट्टा किरण थापा मगरलाई नयाँ नेता बनाउन माग गरिएको छ। एमाले अध्यक्ष केपी शर्मा ओलीको निवासमा भएको छलफलका क्रममा स्वास्थ्यमा समस्या देखिएर वीर अस्पतालमा भर्ना भएका थपलिया डिस्चार्ज भएलगत्तै यो कदम चालिएको हो।