अनेरास्ववियुद्वारा त्रिवि परीक्षा नियन्त्रण कार्यालयमा ७ बुँदे मागपत्र पेस

नेकपा एमाले निकट विद्यार्थी सङ्गठन अनेरास्ववियु त्रिवि जिल्ला कमिटीले बिहीबार परीक्षा नियन्त्रण कार्यालयलाई ७ बुँदे ज्ञापनपत्र बुझाएको छ। परीक्षा प्रणालीलाई प्रविधिमैत्री, पारदर्शी र विकेन्द्रीकृत बनाउनुपर्ने माग गर्दै उनीहरूले नतिजा प्रकाशन र ट्रान्सक्रिप्ट वितरणमा हुने ढिलासुस्ती अन्त्य गर्न आग्रह गरेका छन्। ज्ञापनपत्रमा परीक्षा केन्द्रहरू अनिवार्य रूपमा आङ्गिक तथा सामुदायिक क्याम्पसमा मात्र तोक्नुपर्ने उल्लेख छ। आफ्ना मागहरू १० दिनभित्र पूरा नभए आन्दोलनमा उत्रिने चेतावनी समेत सङ्गठनले दिएको छ।