धरानको नरसिंह भगवान मन्दिरको जग्गा हिनामिना गरेको आरोपमा ९ जनाविरुद्ध मुद्दा दायर

सुनसरीको धरानस्थित श्री नरसिंह भगवान मन्दिरको स्वामित्वमा रहेको सार्वजनिक जग्गा व्यक्तिको नाममा नामसारी गरी हिनामिना गरेको अभियोगमा अख्तियार दुरुपयोग अनुसन्धान आयोगले ९ जनाविरुद्ध भ्रष्टाचार मुद्दा दायर गरेको छ। धरान नगरपालिकाका तत्कालीन प्रशासकीय अधिकृत गणेश प्रसाद खतिवडा र पुजारी टिर्रु चौधरीसहितका व्यक्तिहरूले १० कठ्ठा ५ धुर जग्गा अवैध रूपमा दर्ता गरेको भन्दै विशेष अदालतमा आरोपपत्र दर्ता गरिएको हो। आयोगले ३६ लाख १० हजार रुपैयाँ बिगो कायम गर्दै कर्मचारी र बिचौलियाहरूको मिलेमतोमा सरकारी सम्पत्ति हिनामिना भएको ठहर गरेको छ।