गण्डकी प्रदेशको प्रवेशद्वारमा निर्यातभन्दा आयात पाँच गुणा बढी

गण्डकी प्रदेशको प्रवेशद्वार आँबुखैरेनीस्थित कृषि तथा पशुपक्षी नियमन इकाइको तथ्याङ्कअनुसार पछिल्लो छ महिनामा निर्यातको तुलनामा आयात पाँच गुणा बढी देखिएको छ। कृषि विकास कार्यालय तनहुँका प्रमुख परशुराम अधिकारीका अनुसार यस अवधिमा ५४२ मेट्रिकटन तरकारी तथा फलफूल निर्यात हुँदा २,९०७ मेट्रिकटन आयात भएको छ। इकाइले दिएको जानकारी अनुसार स्थानीय उत्पादन बाहिरिने क्रम न्यून रहेको र परनिर्भरता बढ्दै गएको देखिन्छ।