महाकाली करिडोरको सुस्त गति: १५ वर्षमा ६ किलोमिटर मात्र कालोपत्र

कञ्चनपुरको ब्रह्मदेवदेखि नेपाल-चीन सीमाना तिंकरसम्म जोड्ने लक्ष्यका साथ २०६६ सालमा सुरु गरिएको महाकाली करिडोरको निर्माण कार्य अत्यन्तै सुस्त देखिएको छ। नेपाल, भारत र चीनबीच त्रिदेशीय व्यापारिक सम्बन्ध विस्तार गर्ने उद्देश्य राखिएको ४१३ किलोमिटर लामो यस सडकमा १५ वर्षको अवधिमा ६ किलोमिटर मात्र कालोपत्र भएको छ। महाकाली करिडोर सडक योजना कार्यालय दार्चुलाका अनुसार अपेक्षित बजेट र निर्माण व्यवस्थापनको अभावले गर्दा आयोजनाको प्रगति न्यून भएको हो।