कास्कीको मोदी खोलामा आएको बाढीका कारण मन्दिरमा थुनिएका तीन जनाको सकुशल उद्धार

कास्कीको अन्नपूर्ण गाउँपालिका–५ हाईजुङस्थित मोदी खोलामा आएको बाढीका कारण माता अन्नपूर्ण मन्दिरमा अलपत्र परेका तीन जनाको सकुशल उद्धार गरिएको छ। गएराति खोलाको बहाव बढेपछि मन्दिरको बीचमा थुनिएका उनीहरूलाई 'रोप रेस्क्यु' प्रविधिको प्रयोग गरी सुरक्षित स्थानमा ल्याइएको हो। सहायक प्रमुख जिल्ला अधिकारी चित्राङ्गत बरालका अनुसार उद्धार गरिएकाहरूमा पोखरा–१८ सराङकोटका २८ वर्षीय प्रदीप ढकालसहित तीन जना रहेका छन्। उद्धार टोलीको समयमै परिचालन र विशेष उपकरणको प्रयोगले मानवीय क्षति हुनबाट जोगिएको छ।