दाइजोका कारण अन्यायमा परे सम्पर्क गर्न उपसभामुख रुबीकुमारी ठाकुरको आग्रह

प्रतिनिधिसभाकी उपसभामुख रुबीकुमारी ठाकुरले दाइजोका कारण कसैलाई अन्याय भए आफूलाई सम्पर्क गर्न आग्रह गरेकी छन्। धनुषाको ढल्केबरमा आयोजित नाई सहयोग संस्था नेपालको दोस्रो अधिवेशन तथा चौथो साधारणसभाको उद्घाटन गर्दै उनले यस्तो बताएकी हुन्। दाइजो लिनु वा दिनु कानुनी रूपमा दण्डनीय अपराध भएको उल्लेख गर्दै उनले यस प्रथाविरुद्ध निरन्तर आवाज उठाउने प्रतिबद्धता जनाइन्।