शिक्षा प्रणालीलाई समयअनुकूल परिवर्तन गर्न चेम्बर अध्यक्ष अग्रवालको जोड

नेपाल चेम्बर अफ कमर्सका अध्यक्ष कमलेश कुमार अग्रवालले अर्थतन्त्रको बदलिँदो आवश्यकता अनुसार शिक्षा प्रणालीमा सुधार गर्नुपर्नेमा जोड दिनुभएको छ। काठमाडौं विश्वविद्यालय स्कुल अफ म्यानेजमेन्ट (कुसोम) मा आयोजित १५औँ संस्करणको रोजगारी तथा इन्टर्नसिप मेलामा बोल्दै उहाँले डिग्री मात्र सफलताको आधार नभई व्यवहार र सीप पनि महत्त्वपूर्ण हुने बताउनुभयो। अध्यक्ष अग्रवालले शैक्षिक संस्था र उद्योग क्षेत्रबीचको सहकार्यलाई थप प्रभावकारी बनाउनुपर्ने आवश्यकता औंल्याउनुभएको छ।